मुम्बई । फोक्सो क्यान्सरबाट पीडित बलिउड अभिनेता सञ्जय दत्त फिल्मको शुटिङ सकाएर मात्रै उपचारका लागि अमेरिका जाने भएका छन्। उनको फिल्म सडक २ को ट्रेलरसमेत रिलिज भइसकेको छ। आउँदो हप्तासम्म बाँकी रहेको शुटिङ सक्ने सञ्जयको योजना छ। भारतीय सञ्चार माध्यमका अनुसार फिल्म सडक २ मा उनको भागको डबिंगको केही काम बाँकी छ। जसलाई सकाएर उनी उपचारका लागि प्रस्थान गर्नेछन्। आउँदो हप्तासम्म यो काम सकिनेछ। त्यसपछि उनी मेडिकल ब्रेकमा जानेछन्। सड़क २ अगस्ट २८ मा रिलिज हुनेछ। हाल सञ्जय घरमै आराम गरिरहेका छन्।