काठमाडौं । सन नेपाल लाइफ इन्स्योरेन्स कम्पनीले आफ्ना बीमितको असामयिक निधनपछि मृत्यु दाबी भुक्तानी हस्तान्तरण गरेको छ । कम्पनीको गुल्मी शाखाले मृत्यु दावी भुक्तानी गरेको हो। कम्पनिले गुल्मी जिल्ला रेसुङ्गा नगरपालिका १४ निवासी लोक बहादुर विकको परिवारलाई बीमाङक रकम १ लाख रुपैयाँ र आर्जित बोनश वापतको रकम १२ हजार ९ सय गरी जम्मा १ लाख १२ हजार ९ सय रुपैयाँ मृत्यु दावी भुक्तानी गरेको हो । निजले सन नेपाल लाइफ गुल्मी शाखामा दुई वर्ष अघि १ लाख बीमांकको नवीन आजीवन बीमा पोलिसी खरिद गरेका थिए । कृषि पेशा गर्दै आएका विकको अचानक मृत्यु भएको थियो । कम्पनीले उक्त रकम बरावरको चेक बीमित स्व लोकबहादुरकी श्रीमती सावित्रालाई एक कार्यक्रमकाबीच हस्तान्तरण गरेको हो । बीमितलाई सहज तरिकाले सेवा दिनको लागि कम्पनीले आफ्नो शुरुवाती दिनदेखि नै प्रतिबद्ध रहेको जनाएको छ । कम्पनीले विभिन्न बीमा योजनाहरु मार्फत आफ्ना बीमितहरुलाई सेवा प्रदान गर्दै आइरहेको छ ।