काठमाडौं । नेपालको इतिहासमा बिना परीक्षाको पहिलो पटक नतिजा सार्वजनिक भएको छ । गत चैत्र ६ गतेदेखि तोकिएको परिक्षा ५ गते बेलुका आएर स्थगित भएको थियो । करिब पाँच लाख विद्यार्थीहरुलाई सरकारले लिखित परिक्षा नलिई पहिलो पटक कक्षामा गरिएको मूल्याङ्कन प्रतिवेदनको आधारमा नतिजा सार्वजनिक गरिएको हो । सोमबार बसेको बोर्ड बैठकले नतिजा सार्वजनिक गर्ने निर्णय गरेको हो ।
नतिजा यहाँ हेर्न सकिन्छ
निर्धारित परिक्षा स्थागित भई पुनः परिक्षा सञ्चालन गर्ने अवस्था नभएपछि सरकारले विद्यालयले गर्ने आन्तरिक मूल्यांकनलाई नै आधिकारिता दिने निर्णय गरेको थियो । हरेक विद्यालयले जिल्ला समन्वय ईकाई मार्फत विद्यार्थीको नतिजा बोर्डमा पठाएकोमा सोही विद्यालयको प्रतिवेदनको आधारमा नतिजा सार्वजनिक गरेको हो ।
