काठमाडौं । हुन त अहिले कि ज्यानको चिन्ता छ कि दाल चालमको । विलासी वस्तुको चिन्ता हुने खानेलाई होला आम जनतालाई पेटकै चिन्ता छ । सुनको भाउ असार ७ गते आइतबार प्रतितोला ७ सय रुपैयाँ बढेर हालसम्मकै उच्च विन्दुमा पुगेको छ। नेपाल सुनचाँदी व्यवसायी महासंघले आइतबार छापावाला सुन प्रतितोला ९० हजार ६०० रुपैयाँ र तेजाबी सुन प्रतितोला ९० हजार ३०० रुपैयाँ तोकेको छ। गत शुक्रबार छापावाला सुन प्रतितोला ८९ हजार ९०० रुपैयाँ र तेजाबी सुन प्रतितोला ८९ हजार ६०० रुपैयाँमा कारोबार भएको थियो। त्यस्तै, आइतबार चाँदीको भाउ पनि तोलामा १० रुपैयाँले बढेर प्रतितोला ९४० रुपैयाँ पुगेको छ। शुक्रबार चाँदी प्रतितोला ९३० रूपैयाँमा कारोबार भएको थियो।