काठमाडौं । नेपालमा स्थापित जीवन बीमा कम्पनी एलआईसी नेपालले अभिकर्ताको क्षमता अभिवृद्धि र सम्मान कार्यक्रम सम्पन्न गरेको छ । राजधानीको पाँच तारे होटल सोल्टीमा क्राउन प्लाजा काठमाडौंमा माघ २३ गते अर्थात् फेब्रुअरी ५, २०२१ मा आयोजना गरिएको हो ।
देशभरबाट ५२० जनाको सहभागिता रहेको सो कार्यक्रममा भारतका प्रेरक वक्ता शैयद अफजल अहमदले ३ घण्टासम्म सहभागीहरुलाई प्रशिक्षण दिएका थिए।
एलआईसी नेपालका सिइओ एलपी दासले व्यवसायको प्रदर्शनमा प्रकाश पार्नुभएको थियो भने र डेपुटी सीईओ टी बुर्नावालले स्वागत भाषण गर्नुभएको थियो । कार्यक्रममा एजेन्ट र सबै अध्यक्ष क्लब सदस्यहरुलाई ट्रफी र प्रमाणपत्र प्रदान गरिएको थियो ।
