काठमाडौं । हुवावे कन्ज्युमर बिजनेस ग्रुपले हुवावे वाई सिरिजअन्तर्गतको स्टाइलिस नयाँ मोबाइलफोन ‘हुवावे वाई सेभेन पी’ नेपाली बजारमा सार्वजनिक गरेको छ । नयाँ थप विशेषताहरू र जीवनका रमाइला तथा अविस्मरणीय पलहरू कैद गर्नका लागि ४८ एमपीको मेन क्यामरासहितको ट्रिपल क्यामरा सिस्टम रहेको छ । विभिन्न विशेषताहरू भएको हुवावे वाई सेभेन पी मूल्यअनुसारको सही उत्पादन खोज्ने ग्राहकहरूका लागि एकदमै सही रोजाई हो । यो स्मार्टफोन कालो (क्लासिक मिडनाइट ब्ल्याक) र नीलो (युनिक, ओरोरा ब्लु) रंगहरूमा उपलब्ध छ । ४ जीबी र्याम तथा ६४ जीबी स्टोरेज भएको यस हुवावे वाई सेभेन पी को मूल्य नेपाली बजारमा २३,९९० रुपैयाँ तोकिएको छ ।