काठमाडौं । जीवन बीमा बजारमा उच्चस्तरको कारोबार गर्दै अघि बढेको सूर्यज्योति लाइफ इन्स्योरेन्स कम्पनीले वैशाख महिनामा मात्रै ७ करोड २९ लाख रुपैयाँ दाबी भुक्तानी गरेको छ । कम्पनीले हाम्रो प्रतिबद्धता, हाम्रो जिम्मेवारी, हाम्रो साथ भन्ने नाराका साथ आफ्ना बीमितहरुको दाबी भुक्तानीमा सहजीकरण गर्दै आइरहेको छ । कम्पनीले वैशाख महिनामा १९६ वटा दाबीवापत उक्त रकम बराबरको दाबी भुक्तानी गरेको हो । त्यस्तै, कम्पनीले चालु आर्थिक वर्ष २०८०–८१ को वैशाख मसान्तसम्ममा १८ सय १७ वटा दाबीबापत ६६ करोड ६९ लाख रुपैयाँ दाबी भुक्तानी गरेको छ ।