काठमाडौं । स्थापनाको छोटो समयमै बीमा बजारमा आफ्नो गरिमायम उपस्थिति जनाएको अजोड इन्स्योरेन्सले तेस्रो बार्षिक साधारण सभा सम्पन्न गरेको छ । कम्पनीले अघिल्लो वर्षको तुलनामा कुल बीमाशुल्क संकलनमा ११३.१३ प्रतिशत, खुद नाफामा २४७.३९ प्रतिशत, एवं बीमाकोषमा १०४.०८ प्रतिशतले वृद्धि हासिल गर्न सफल भएको छ ।
कम्पनीले आव २०७६–०७७ मा कुल बीमाशुल्क ८८ करोड ४३ लाख १७ हजार २ सय १८ रुपैयाँ संकलन गरि खुद नाफा ४ करोड ५६ लाख ३४ हजार ६ सय ७१ रुपैयाँ रहेको र बीमाकोषमा ६ करोड २३ लाख ७२ हजार ६ सय ५२ रुपैयाँ संचित रहेको जनाएको छ ।
सभाले संचालक समितिको तर्फवाट अध्यक्षद्वारा प्रस्तुत आव २०७६–०७७ को तेस्रो वार्षिक प्रतिवेदन उपर छलफल गरि सो लाई पारित गरेको छ । त्यसैगरी, लेखा परीक्षकको प्रतिवेदन सहित कम्पनीको आव २०७६र०७७ को वासलात, नाफा नोक्सान हिसाब, आय व्यय हिसाब तथा नगद प्रवाह विवरण र सो सँग सम्बन्धित अनुसूचिहरु सहितको वित्तीय विवरण उपर छलफल गरी सोलाई पारित गरिएको छ ।
कम्पनी ऐन २०६३ को दफा १११ बमोजिम कम्पनीको आव २०७७–०७८ को बाह्य लेखापरीक्षण गर्न लेखापरीक्षक नियुक्ती गर्ने र निजको पारिश्रमिक निर्धारण गर्ने निर्णय पनि बैठकले गरेको छ । यसैगरी, सर्वसाधारण शेयरधनीहरुको तर्फबाट संचालकमा पानु दत्त पौडेल र सृजना सुवेदी निर्विरोध निर्वाचित भएको कम्पनीले जनाएको छ ।
