नेपाली काँग्रेसका युवा नेता एवं समाजसेवी अशोक पोखरेलद्वारा निर्मित गीति एल्बम ‘छुरा धस्ने बानी रैछ’ को बुधबार साँझ लोकार्पण गरिँदैछ । काठमाडौंमा एक कार्यक्रमको आयोजना गरी सार्वजनिक हुन लागेको सो गीति एल्बमको निर्मातामा अशोक पोखरेल रहेका छन् भने गीतको भिडियोमा कलाकारद्वय झरना रिजाल र मोहन नेपालीको जोडदार अभिनय रहेको छ । यस गीतमा चर्चित गायक रामकृष्ण ढकालले स्वर दिएका छन् भने रमेश एमके पौलेलको शब्द रहेको छ ।
यसअघि तीन वटा गीति एल्बम ‘पलपल तिम्रो याद’, ‘पियारी’ र ‘कति राम्री’ साँगीतिक बजारमा छाडिसकेका पोखरको एल्बम ‘छुरा धस्ने बानी रैछ’ चौथो साँगीतिक कोशेली हो । पहिलो एल्बम पलपल तिम्रो यादमा कलाकार सोभित घिमिरे र लजिता सुवेदीको अभियन थियो भने चर्चित गायक राजेश पायल राईको स्वरमा सजिएको थियो । त्यसपछिको दोस्रो कोशेली पियारीमा कलाकार पल शाह र उषा उपे्रतीको जोडदार अभिनय रहेको थियो भने सो गीतमा योगशकाजी र साकिरा घिमिरेले स्वर दिएका थिए । यसैगरी तेस्रो कोशेलीको रुपमा आएको कति राम्रीमा कलाकार पुजा शर्मा र पुष्प खडकाको अभिनय रहेको छ ।
पछिल्लो समय साँगीतिक क्षेत्रमा क्रियाशील पोखरेलले आफू यो क्षेत्रमा आउनुमा साँगीतिक बजारमा नयाँ नयाँ प्रस्तुति दिने र यस क्षेत्रको प्रवद्र्धनका लागि केही गर्ने सोच रहेको बताएका छन् । साँगीतिक बजार पछिल्लो समय साँघुरिँदै गएको अवस्थामा पोखरेलहरु जस्ता निर्माताहरु थपिँदै जाँदा यस क्षेत्रको विकासमा केही टेवा पुग्ने अपेक्षा गरिएको छ ।
पोखरेल विराटनगर जुटमिलका पूर्व अध्यक्ष अध्यक्ष एपेक्स हस्पिटल प्रालि इटहरिका प्रवन्ध निर्देशक हुनुहुन्छ ।
