काठमाडौं । पर्याप्त सुरक्षा सावधानी अपनाउँदै राजधानीका ठूला विभिन्न ६ स्टोर आजदेखि खुल्ने भएको छ । भाटभटेनी सुपरमार्केटले उपत्यकाका विभिन्न ६ स्टोर खुला गर्ने निर्णय भएको हो । दैनिक उपभोग्य बस्तु खरिद गर्ने ग्राहकको चाहनालाई मध्यनजर गर्दै शुक्रबारदेखि स्टोर खुला गर्ने निर्णय गरिएको हो । कोरोना भाइरसको त्रास बढेसँगै भाटभटेनीले होम डेलिभरीको सुविधा दिँदै आएको थियो । जसअनुसार बिहान १० बजेदेखि बेलुका ७ बजेसम्म स्टोर खुल्नेछ । तर, स्टोरमा पर्याप्त सावधानी अपनाइएको छ । एक पटकमा स्टोरभित्र १० जनालाई मात्रै प्रवेश दिइने र त्यसमा पनि सोसियल डिस्ट्यान्सिङ कायम गरिने भएको छ । कलंकी, महाराजगन्ज, नक्साल, पुरानो भाटभटेनी, भक्तपुर र पुल्चोकको स्टोर खुल्ला रहनेछ ।