झापा । आइएमई लाइफ इन्स्योरेन्स कम्पनीले आफ्ना बीमितको असामयिक निधनपछि आश्रित परिवारलाई बीमा दाबी बापतको रकम भुक्तानी गरेको छ । कम्पनीले झापाको बुद्धशान्ति ५ स्थित बीमित महेन्द्र पौडेलका परिवारलाई मृत्यु दाबी बापतको भुक्तानी गरेको जनाएको छ । कम्पनीका एक नम्बर प्रदेश प्रमुख मिलन दाहाल, बिर्तामोड शाखाका प्रमुख महेन्द्र तिम्सिना, बुद्धशान्ति गाउँपालिका ५ का वडाध्यक्ष वासुदेव खतिवडा र ६ का वडाध्यक्ष शम्भु पौडेलले संयुक्त रूपमा बीमितकी श्रीमती लीलामाया पौडेललाई उक्त रकम बराबरको चेक हस्तान्तरण गरेका थिए । ३९ वर्षीय बिमित महेन्द्र पौडेलले बिर्तामोड शाखाबाट २०७७ असोजमा १० लाखको बिमा पोलिसी खरिद गरेका थिए । गत साउन ५ गते उनको कोरोनाका कारण निधन भएको थियो ।
चेक हस्तान्तरण कार्यक्रममा बिर्तामोड शाखा प्रमुख महेन्द्र तिम्सिनाले बीमा झन्झटिलो छ, यसले मानिसलाई झुलाउँछ भन्ने सोचाइ गलत रहेको बताउँदै बीमा महत्वपुर्ण छ त्यसकारण सबैले बीमा गर्नुपर्ने धारण व्यक्त गरे । कम्पनीका प्रदेश प्रमुख मिलन दाहालले आइएमई लाइफ दाबी भुक्तानीका सन्दर्भमा नेपालमै अग्र स्थानमा रहेको बताए । बिमित पौडेलको घरमा आयोजित कार्यक्रममा कम्पनीका चिफ एजेनसी म्यानेजर नगेन्द्र श्रेष्ठ, हरिकुमार खनाल, सिनियर एजेन्सी म्यानेजर हरि कुमार पुरीलगायत स्थानीय बुद्धिजीवी तथा भद्रभलाद्मीको उपस्थिति रहेको कम्पनीले जनाएको छ ।