free website hit counter

चौथो दिन पनि बनायो डलरले रेकर्ड

beemaadmin
२०८१ पुष २०, शनिबार

काठमाडौं । नेपाली बजारमा अमेरिकी डलरले पुनः नयाँ रेकर्ड बनाएको छ। डलरले निरन्तर चौथो दिन रेकर्ड बनाएको हो। सन् २०२५ लागेदेखि रेकर्ड डलरले दैनिक नयाँ रेकर्ड बनाउन थालेको हो। नेपाल राष्ट्र बैंकले पुस २० गतेका लागि डलरको बिक्रीदर १३७ रुपैयाँ ५४ पैसा निर्धारण गरेको छ भने खरिददर १३६ रुपैयाँ ९४ रुपैयाँ निर्धारण गरेको हो। यस अघि हिजो अर्थात पुस १९ गते रेकर्ड बनाएको थियो। सो रेकर्डलाई तोडेर यस दिन डलरको मूल्यले नयाँ रेकर्ड बनाएको हो। अमेरिकी डलरको तुलनामा भारतीय रुपियाँ कमजोर बन्दा नेपाली रुपैयाँ समेत कमजोर भएको हो। भारुसँग नेपाली रुपैयाँको स्थिर विनिमय दर छ। यसले गर्दा भारु कमजोर हुँदा नेपाली रुपैयाँ समेत कमजोर भएको हो। डलरको भाउ महंगिदै जाँदा आयात भने झनै महँगो हुनेछ। आयातको भुक्तानी डलरमा गरिने भएकोले डलर महँगो हुँदा बढी रकम तिर्नुपर्छ। यस्तै राज्यले विदेशी दातृ निकायसँग लिएको ऋणको भार पनि बढ्ने भएको छ। डलरको भाउ महंगो हुँदा पर्यटन क्षेत्र, निकासीकर्ता र रेमिट्यान्स रकम पठाउनेलाई मात्र केहि फाइदा हुन्छ। तर आयातको हिस्सा धेरै भएकोले डलर महंगिदा फाइदाभन्दा बेफाइदा बढी हुने जानकारहरु बताउछन्।

सम्बन्धित समाचार