काठमाडौं । शाखा सञ्जाल विस्तारको क्रममा सानिमा बैङ्क लिमिटेडले काठमाडौंको टोखा‐६ ग्रान्डि हस्पिटल नजिकै शाखा कार्यालय खोलीबैंकिङ्ग सेवा विस्तार गरेको छ । उक्त कार्यालयको उद्घाटन ब्रान्ड प्रवर्धक वरिष्ठ कलाकारद्वय मदन कृष्ण श्रेष्ठ र हरिवंश आचार्यद्वारा गरियो ।
उक्त अवसरमा मह जोडीले टोखामा सानिमा बैङ्कको कार्यालय संचालनमा आएकोमा बैङ्कलाई बधाई ज्ञापन गर्दै सबल अनि विश्वसनीय बैङ्कको रुपमा निरन्तर विस्तार हुन र थप सफलताको लागि शुभकामना व्यक्त गरे । त्यसैगरी, सानिमा बैङ्कका प्रमुख कार्यकारी अधिकृत भुवन दहालद्वारा बैङ्कका ग्राहक तथा सरोकारवालाहरुलाई निरन्तर सहयोग तथा संरक्षणका लागि कृतज्ञता व्यक्त गरे ।
टोखा शाखासँगै सानिमा बैङ्कको सातै प्रदेशमा हाल ८६ वटा शाखा, १६ विस्तारित काउन्टर र ९० वटा एटीएम संचालनमा रहेका छन् ।