मुम्बई । लकडाउनका कारण पूरै बलिउड थुनिएको छ । यो बेला बलिउडका स्टारहरु आफ्नो सामाजिक कर्तव्य पूरा गर्दै आफू पनि सुरक्षित बसेका छन् ।
अभिनेत्री सन्नी लियोनी पनि घरमा नै थुनिएकी छिन् । उनी आफ्नो श्रीमान र तीन बच्चाको साथ बस्दै आएकी छिन् । लकडाउनमा बस्नु सजिलो नभएर पनि बस्न अत्यावाश्यक भएको उनले बताइन् । सन्नीले भनिन्, भाइरसलाई जित्नको लागि हामी घरमा बस्नुको विकल्प नै छैन । आशा छ, चाडै हामी यो गोलमालबाट बाहिर आउनेछौँ । अहिले मैले समय कटाएको भन्दा पनि समयले मलाई कटाइरहेको छ । म अहिले पकाउन, खान र भाँडा माझ्नमा व्यस्त हुन्छु । घर पनि सफा गरिरहेको हुन्छु । फुर्सद मिल्यो कि, तीन बच्चाको साथ स्विमिङ पुलमा जान्छु । यसरी नै बितिरहेको छ, सन्नी भन्छिन् ।