काठमाडौं । आज मातातीर्थ औंशी । आमाको मुख हेर्ने दिन । आज सबैले आमाको मुख हेर्ने र आमा नभएकाहरुले आमाको सम्मानमा श्राद्ध गर्ने चलन थियो । तर यस पटकको विषम परिस्थितिले काठमाडौंको मातातीर्थमा लाग्ने मेला नै रोकिएको छ । सामाजिक सञ्जालमा सबैले आफ्नी आमाको तस्बिर राख्दै शुभकामना दिइरहेको बेला हास्यव्यङ्ग्य कलाकार दीपकराज गिरीले तीनवटी आमाको तस्बिर सार्वजनिक गरेका छन्, गिरी सामाजिक सञ्जालमा लेख्छन्, नो छंदा नै आमा बित्नु भयो, आमाको कुनै तस्बिर पनि छैन मसंग । आमा कस्ति हुनुहुन्थो त्यो पनि थाहा छैन । अतः आमा भन्ने बित्तिकै मेरा बिभिन्न चलचित्रमा “आमा“ को भूमिका निर्बाह गर्ने यी महान कलाकारहरूको अनुहार याद आउँछ । पर्दामा भए पनि उहाहरूमा मैले आफ्नो “आमा“ को छबि पाएको छु । उहॉहरूले पनि छोराको रूपमा अकमाल गर्नु भएको छ, प्रेम गर्नु भएको छ । भावनाको सम्बन्ध पनि कहाँ कमजोर हुन्छ र । आखिर भावनामा नै त अडेको छ यो मायाको संसार । माने देउता नत्र ढुंगा एउटा आमाको मुख हेर्नु पर्ने ठाउँमा झन् ३,३ वटी आमाको मुख हैर्दैछु । नेपाल आमा लगायतका नेपालका सम्पूर्ण जिबित र मृत आमाहरूलाइ सास्टङ्ग दन्डवत….. ।