काठमाडौं । नेपालमा बीमा बजारको सम्भावना अपार देखेर ठ्रूला घरानाहरु बीमा बजारतर्फ आकर्षित भएका छन् । एक पुनर्बीमा कम्पनी, १९ जीवन र २० निर्जीवन बीमा कम्पनी चालु अवस्थामा रहेका बेला नेपामला पाँच वटा पुनर्बीमा कम्पनी सञ्चालनका लागि भित्रभित्रै तयारी भइरहेको छ । पुनर्बीमा कम्पनी संचालनको अनुमति माग्दै ५ कम्पनीले बीमा समितिमा निवेदन दिएका छन् । समितिले तोकेको म्याद भित्रमा ५ कम्पनी दर्ता भएको हो । समितिले तोकेको समयभित्र ५ कम्पनी दर्ता भएको समितिका कार्यकारी निर्देशक राजुरमण पौडेलले जानकारी दिए । समितिले एउटा कम्पनीलाई मात्रै पुनर्बीमा कम्पनीको लाइसेन्स दिने भन्दै बैशाख १६ गते २१ दिनको म्याद राखेर सार्वजनिक सुचना प्रकाशित गरेको थियो । समितिका अनुसार प्रुडेन्सिलय, काठमाडौं, अन्नपूर्ण, हिमालयन र जेनुइन रिइन्स्योरेन्स कम्पनीले संचालन अनुमति मागेका छन् । पुनर्बीमा कम्पनी स्थापनको लागि कम्तिमा पनि १० अर्ब रुपैयाँ चुक्ता पुँजी हुनुपर्ने शर्त समितिले तोकेको छ । सबै कम्पनीले न्यूनतम चुक्ता पुँजी पुर्याएर समितिमा निवेदन दिएका हुन् । जस्तो कि जेनुइन रिइन्स्योरेन्स कम्पनीले संस्थापकहरुको तर्फबाट ८ अर्ब ८० करोड रुपैयाँ पुँजी पुर्याएको छ । सो पुँजी कम्पनीको कुल चुक्ता पुँजीको ७० प्रतिशत हुने र बाँकी ३० प्रतिशत सर्वसाधारणमा आईपीओ जारी गर्दा कम्पनीको चुक्ता पुँजी १० अर्ब रुपैयाँभन्दा बढी हुने देखिएको छ ।
अहिले प्राप्त भएका निवेदन सबै शिलबन्दी भएकोले कुन कुन व्यवसायिक ग्रुप वा व्यक्तिहरुले पुनर्बीमा कम्पनी स्थापनको लागि निवेदन दिए भन्ने नखुलेको समितिको भनाई छ । प्राप्त भएका निवेदनलाई अब चाढै बस्ने समितिको संचालक समितिले खोलेर आवश्यक अध्ययन गरी एउटा कम्पनीलाई संचालनको अनुमति दिने बीमा समितिले जानकारी दिएको छ ।