भक्तपुर । लकडाउका बेला भएको सडक दुुर्घटनामाा एक युुवकको ज्यान गएकोे छ । मध्यपुर थिमि नगरपालिका–३ कौशलटारमा बिहीबार साँझ मोटरसाइकल दुर्घटनामा परी एक युवकको मृत्यु भएको हो । भक्तपुरबाट काठमाडौंतर्फ जाँदै गरेको बा ३९ प ५७४१ नम्बरको मोटरसाइकल तीव्र गतिका कारण अनियन्त्रित भई सडकको रेलिङमा ठोक्किँदा चालक मध्यपुर थिमि–५, भुलाँखेलका ३० वर्षीय अजय श्रेष्ठको मृत्यु भएको हो। दुर्घटनालगत्तै राजमार्ग गस्तीमा रहेको प्रहरी निरीक्षक कृष्णप्रसाद विष्ट नेतृत्वको प्रहरी टोलीले घाइते अजयलाई उपचारका लागि मध्यपुर अस्पताल थिमि लगिएको थियो। गम्भीर घाइते उनको उपचारकै क्रममा मृत्यु भएको महानगरीय प्रहरी परिसर भक्तपुरकाप्रहरी नायब उपरीक्षक दिपक गिरीले बताएका छन।