काठमाडौं । बीमितको असायिक निधनपछि सूर्या लाइफ इन्स्योरेन्स कम्पनी लिमिटेडले आश्रित परिवारलाई मृत्यु दाबी भुक्तानी गरेको छ । कम्पनीको शाखा कार्यालय बैतडीले मृतकको परिवारलाई मृत्यु दाबी भुक्तानी रकम हस्तान्तरण गरेको हो । कम्पनीले बैतडीको पाटन नगरपालिका वडा नं ८ का मोहन सिंह ऐरको मृत्यु दाबी रकम भुक्तानी गरेको जनाएको छ ।
ऐरले २०७५ असार ३२ गते २२ लाख बीमांकको १५ वर्षे जीवन बीमा गरेकोमा २०७८ जेठ ९ गते कोरोना संक्रमणका कारण निजको मृत्यु भएकोले बीमा रकम भुक्तानी गरेको सूर्या लाइफ इन्स्योरेन्स कम्पनी शाखा बैतडीका कर्मचारी खगेन्द्र भट्टले जानकारी दिए ।
मृतक ऐरकी श्रीमती द्रोपति ऐरलाई घरमै गएर बीमा दाबी बापतको २४ लाख ९७ हजारको चेक हस्तान्तण गरिएको कम्पनीले बताएको छ । ऐरले वार्षिक अग्रीम भुक्तानी जीवन बीमा योजना अन्तर्गत ३ किस्ता बापतको रकम कम्पनीमा बुझाएको कम्पनीले बताएको छ ।
