काठमाडौं । नेपाली बजारमा सुनको मूल्य बुधबार ह्वात्तै बढेको छ । नेपाली बजार वुधवार एकैदिन एक हजार रुपैयाँले सुनको मूल्यमा वृद्धि भएको हो । आज छापावाला सुनको भाउ प्रतितोला ९४ हजार ५ सय रुपैयाँ, तेजावी ९४ हजार रुपैयाँ र चाँदी प्रतितोला १ हजार ३ सय ७० रुपैयाँ कायम भएको नेपाल सुनचाँदी महासंघले जनाएको छ। मंगलबार छापावाला सुनको प्रतितोला ९३ हजार ५ सय रुपैयाँ, तेजावी ९३ हजार रुपैयाँ र चाँदी तोलाको १ हजार ३ सय ५० रुपैयाँमा कारोबार भएको थियो।