मुम्बइ। क्यान्सरसँग जुधिरहेका संजय दत्तको नयाँ फोटो सार्वजनिक भएपछि उनका फ्यानहरु चिन्तामा परेका छन् । पछिल्लो समय संजयको एउटा तस्वीर सार्वजनिक भएको छ जसमा उनी एक फ्यानको साथमा देखिएका छन् । फोटोमा संजय निकै कमजोर देखिएका छन् । फोटो देखेपछि सामाजिक संजालमा फ्यानहरुले उनको शीघ्र स्वास्थ्यलाभको कामना गरेका छन् । संजय दत्त केही दिनअघि दुबई छोराछोरी भेट्न गएका थिए । त्यतिबेला उनको स्वास्थ्य ठिक देखिन्थ्यो । संजय दत्त अहिले निकै अस्वस्थ छन् ।
बलिउड ट्रेड एक्सपर्ट कोमल नाहटाले अगष्टमा संजयलाई फोक्सोको क्यान्सर भएको बताएका थिए । उनले ट्वीटरमा संजयको शीघ्र स्वास्थ्यलाभको कामना गरेका थिए । यसबारेमा संजयको परिवारले भने कुनै आधिकारिक जानकारी दिएको छैन । रिपोर्टका अनुसार संजयलाई चौथो स्टेजको क्यान्सर छ । उनको उपचार मुम्बइको कोकिलाबेन अस्पतालमा भइरहेको छ । यद्यपि संजयकी पत्नी मान्यताले अगष्टमा सामाजिक संजालमा एक पोस्ट लेख्दै रोगको बारेमा कुनै अनुमान नगर्न भनेकी थिइन् । उनले लेखेकी थिइन् ‘म ती सबैलाई धन्यवाद दिन्छु जसले संजूको स्वास्थ्यलाभको कामना र्नुभएको छ । हामीलाई यो समस्याको घडीबाट बाहिर आउन तपाइँहरु सबैको पर्थनाको आवश्यकता छ । यो परिवारले पहिले पनि धेरै कुरा सहेको छ तर मलाई विश्वास छ कि यो समय पनि बित्नेछ । तपाइँहरु सबैसँग मेरो यही आग्रह छ कि कुनै हल्लाप्रति ध्यान नदिनुहोस् ।