काठमाडौं । एउटै मात्र पुनर्बीमा कम्पनी रहेका कारण थप तीन वटा पुनर्बीमा कम्पनी खोल्ने तयारी भित्रभित्रै भइरहेको बेला काठमाडौं रि इन्स्योरेन्स नामक नयाँ पुनर्बीमा कम्पनीको काम भने अघि बढिसकेको छ ।
नियामक निकाय बीमा समितिले नयाँ कम्पनी खोल्न इजाजत दिने तयारी गरेपछि बीमा क्षेत्रहरुको बिज्ञहरु सम्मिलित एउटा समूहले काठमाडौं रिइन्स्योरेन्स नामक नयाँ पुनर्बिमा कम्पनी खोल्ने तयारीमा राम्रैसँग अघि बढाएको छ ।
प्रस्तावित उक्त कम्पनीमा बीमा क्षेत्रको निमनकारी निकाय बिमा समितिकै पूर्ब अध्यक्ष देवेन्द्र प्रताव साह, बिमा कम्पनीका सबै भन्दा पुराना सीईओ रमेशकुमार भट्टराई, नेपाल पुनर्बिमा कम्पनीका पूर्ब अध्यक्ष महेश गुरागाईं र आइएमई लाइफ इन्स्योरेन्सका पूर्व प्रमुख कार्यकारी अधिकृत श्रीचन्द्र भट्टको टिम बनेको हो ।
प्रस्तावित काठमाडौं रि इस्योरेन्सको अधिकृत पुँजी २० अर्ब रुपैयाँ र जारी पुँजी १० अर्ब रुपैयाँ हुने बताइएको छ । ३० प्रतिशत सेयर भने सर्वसाधारणका लागि छुट्याउने गरी तत्काल चुक्ता पुँजी ७ अर्ब रुपैयाँ हुनेछ । कम्पनीमा विदेशी साझेदार समेत भित्र्याउने गरी काम भइरहेको बताइएको छ ।
उनका अनुसार ७० प्रतिशत संस्थापक मध्ये २० प्रतिशतसम्म विदेशी साझेदार बिमा वा पुनर्बिमा कम्पनीलाई दिइनेछ । सञ्चालक समितिमा २ जना संस्थागत, २ जना व्यक्तिगत, २ जना सर्वसाधारण र १ जना स्वतन्त्र गरी ७ सदस्यीय सञ्चालक समिति रहने गरी गृहकार्य गरिएको उनले जानकारी दिए ।
