काठमाडौं । कोरोना कहरले देश आतंकित बनिरहेको बेला आफ्ना बालबालिकालाई स्कुल पठाउन समेत अभिभावक डराइरहेका बेला सरकारले शहरी क्षेत्रका विद्यालयहरु आगामी वैशाख मसान्तसम्म बन्द गर्न सिफारिस भएको छ । कोभिड – १९ व्यवस्थापन केन्द्र (सीसीएमसी) को शनिबार बसेको बैठकले विद्यालय बन्द गर्नका लागि सिफारिस गर्ने निर्णय गरेको बताइएको छ । बैठकले अन्य स्थानको हकमा भने प्रदेश र स्थानीय तहले निर्णय गर्न छाडिदिएको छ ।

कोरोना आतंक बढेसँगै शहरका कतिपय स्कुलले अनलाइन कक्षा चलाउन थालिसकेका छन् भने सरकारले भौतिक कक्षा सञ्चालन रोक लगाउँदा सबैजसो स्कुल अनलाइन कक्षा सञ्चालनका लागि तयारी अवस्थामा रहेका छन् ।