काठमाडौं । प्रुडेन्सियल इन्स्योरेन्स कम्पनीको १९ औं वार्षिक साधारणसभा जेठ २ गते हुने भएको छ । कम्पनी सञ्चालक समितिको बैशाख ९ गते बसेको बैठकले जेठ २ गते, बिहान ११ बजे, बाराको होटल इच्छा, सिमारामा साधारण सभा आह्वान गरेको हो । कम्पनीले हाल कायम चुक्ता चुक्ता पूँजीको ८ प्रतिशत बोनस शेयर र त्यस प्रयोजनको लागि ०।४२ प्रतिशत गरी कुल ८।४२ प्रतिशत लाभांश वितरण गर्न प्रस्ताव पारित गर्नेछ। बोनस वितरण पछि कम्पनीको चुक्ता पूँजी १ अर्ब १० करोड ८५ लाख रुपैयाँ पुग्नेछ। यस्तै प्रस्तावित बोनस शेयर पश्चात कायम हुने चुक्ता पूँजीमा संस्थापक शेयरधनीहरुको स्वामित्व ६० प्रतिशतबाट ५१ प्रतिशत र सर्वसाधारण शेयरधनीहरुको स्वामित्व ४० प्रतिशतबाट ४९ प्रतिशत पुर्याउने प्रस्ताव पारित गर्दैछ। साधारण सभा प्रयोजनको लागि कम्पनीले बैशाख १९ गतेदेखि जेठ २ गतेसम्म बुक क्लोज गर्ने जनाएको छ। त्यस अनुसार बैशाख १८ गतेसम्म कायम शेयरधनीले मात्रै कम्पनी लाभांश प्राप्त गर्न सकिनेछ।