काठमाडौं। लामो समय कान्तिपुर दैनिकमा कार्यरत पत्रकार बालकृष्ण बस्नेत नेपाल प्रेस काउन्सिलको अध्यक्षमा नियुक्त भएका छन्। विहीबार बसेको मन्त्रिपरिषद बैठकले दोलखाका बस्नेतलाई प्रेस काउन्सिलको अध्यक्षमा नियुक्त गरेको एकमन्त्रीले जानकारी दिए। उनलाई सरकारले ४ वर्षे कार्यकालका लागि नियुक्त गरेको हो। हाल गोपाल बुढाथोकी कार्यबाहक अध्यक्ष थिए। बस्नेत हालै भएको पत्रकार महासंघको चुनावमा एमाले निकट प्रेस गणेश बस्नेत समूहबाट महासचिबको उम्मेदवार थिए। बस्नेत लामो समय कान्तिपुर दैनिकमा कार्यररत थिए। पछिल्लो समय उनी अनलाइन पत्रकारितामा सक्रिय छन् ।