काठमाडौं । पूर्वमिस नेपाल शृंखला खतिवडा कान्तिपुर मिडिया ग्रुपका अध्यक्ष कैलाश सिरोहियाका छोरा सम्भव सिरोहियासँग प्रेम सम्बन्धमा रहेको चर्चा यसअघि नै चलिसकेको छ। हालै सार्वजनिक तस्बिरले त झन् उनीहरूबीच इन्गेजमेन्ट समेत भइसकेको अड्कलबाजी सुरु भएको छ। किनभने शृंखला सम्भवका भाइ अनुभव सिरोहियाको इन्गेजमेन्टमा सम्भवसँगै जोडीका रूपमा सहभागी भएकी हुन्। यति मात्र होइन, शृंखलालाई अनुभवसँग इन्गेजमेन्ट गरेकी युवतीले ढोगेको तस्बिरसमेत सार्वजनिक भएको छ। जसले शृंखला उनको जेठानी बन्ने तर्खरमा रहेको संकेत गर्छ। अध्ययनका लागि अमेरिकामा रहेकी श्रृंखला केही दिनअघि नेपाल फर्किएकी थिइन्। पूर्वमिस नेपाल श्रृंखला पूर्व स्वास्थ्यमन्त्री एवं नेकपा एकीकृत समाजवादीका नेता विरोध खतिवडाकी छोरी हुन्।