काठमाडौं । एसईईको नतिजा यसै साता सार्वजनिक हुने भएको छ । राष्ट्रिय परीक्षा बोर्डले माध्यमिक शिक्षा परीक्षा यहिँ शनिबारसम्ममा नतिजा प्रकाशित गर्ने भएको हो । परीक्षा नियन्त्रण कार्यालयका अनुसार नतिजा रुजु र इन्ट्री गर्ने काम भइरहेको छ । एसईई परिक्षा गत चैत १७ गतेदेखि चैत २९ गतेसम्म चलेको थियो । परीक्षामा ४ लाख ८५ हजार ३ सय ९६ विद्यार्थी सहभागी भएका थिए । यद्दपी प्राविधिक समस्या आएमा नतिजा यस साता प्रकाशित नहुने र अर्को साता धकेलिन पनि सक्नेछ।