काठमाडौं । लगातार गिरावट भएको सुनको भाउ शुक्रबार वृद्धि भएको छ । भदौ २२ गते, सुन तोलामा ३०० रुपैयाँले बढेको छ । आज चाँदीको भाउ भने घटेको छ । नेपाल सुनचाँदी व्यवसायी महासंघका अनुसार यस दिन छापावाल सुन प्रतितोला एक लाख १२ हजार ३०० रुपैयाँमा र तेजाबी सुन प्रतितोला एक लाख ११ हजार ७५० रुपैयाँमा कारोबार भइरहेको छ । बिहीबार सुनको भाउ सस्तिएको थियो । हिजो सुन तोलामा ४०० रुपैयाँले घटेर प्रतितोला एक लाख १२ हजार रुपैयाँमा झरेको थियो । यस साता सुनको भाउमा गिरावट देखिएको छ । साताभरमा सुन प्रतितोला २०० रूपैयाँले घटेको हो । गत शुक्रबार सुन प्रतितोला एक लाख १२ हजार ५०० रूपैयाँ तोकिएको थियो । त्यसयता भने उतार चढा देखि नै रहेको थियो । शुक्रबार चाँदीको मूल्य ओरालो लागेको छ । यस दिन चाँदी तोलामा पाँच रुपैयाँले घटेर प्रतितोला एक हजार ४०५ रुपैयाँमा खरिदबिक्री हुँदैछ । चाँदीको भाउ निरन्तर चौथो दिन घटेको हो । चार दिनमा चाँदी तोलामा ६० रूपैयाँले गिरावट घटिसकेको छ । अघिल्लो कारोबार दिन पनि चाँदी प्रतितोला २० रुपैयाँले सस्तिदा एक हजार ४१० रुपैयाँमा किनबेच भएको थियो।