काठमाडौं । बुधबार सुनको मूल्यमा वृद्धि भएको छ । यस दिन सुन तोलामा एक हजार रुपैयाँले बढेको हो । नेपाल सुनचाँदी व्यवसायी महासंघका अनुसार आज छापावाल सुन एक लाख १९ हजार रुपैयाँ र तेजाबी सुन एक लाख १८ हजार ४५० रुपैयाँमा कारोबार भएको छ । मंगलबार छापावाला सुन प्रतितोला एक लाख १८ हजार रुपैयाँ र तेजाबी सुन आज प्रतितोला एक लाख १७ हजार ४५० रुपैयाँमा कारोबार भएको थियो । चाँदीको मूल्य भने बुधबार १५ रुपैयाँले महँगिएको छ । आज चाँदी तोलामा एक हजार ४६५ रुपैयाँमा कारेबार भएको छ । मंगलबार प्रतितोला एक हजार ४५० रुपैयाँमा खरिदबिक्री भएको थियो ।