काठमाडौं । स्थानीय बजारमा सुनको मूल्यमा बिहीबार उच्च वृद्धि भएको छ। नेपाल सुनचाँदी व्यवसायी महासंघका अनुसार आज सुनको मूल्य प्रतितोला ३ लाख ५ हजार ८०० रुपैयाँ कायम भएको छ।
बुधबार प्रतितोला ३ लाख २ हजार ४०० रुपैयाँमा कारोबार भएको सुनको मूल्य आज एकैदिन ३ हजार ४०० रुपैयाँले बढेको हो। पछिल्लो समय सुनको मूल्यमा उतारचढाव देखिँदै आएकोमा बिहीबार भने बजारमा उल्लेख्य वृद्धि भएको हो।
महासंघका अनुसार आज १० ग्राम सुनको मूल्य २ लाख ६२ हजार १७५ रुपैयाँ पुगेको छ। बुधबार १० ग्राम सुन २ लाख ५९ हजार २६० रुपैयाँमा कारोबार भएको थियो। यसअनुसार १० ग्राम सुनको मूल्य पनि २ हजार ९१५ रुपैयाँले बढेको छ।
यता, चाँदीको मूल्यमा समेत वृद्धि भएको छ। बिहीबार चाँदी प्रतितोला ४ हजार ८५५ रुपैयाँ पुगेको छ। बुधबार प्रतितोला ४ हजार ७५० रुपैयाँमा कारोबार भएको चाँदीको मूल्य आज १०५ रुपैयाँले बढेको हो।
सुन तथा चाँदी दुवैको मूल्य बढेसँगै स्थानीय बहुमूल्य धातु बजारमा बिहीबार खरिद लागत थप महँगिएको छ। विशेषगरी सुनको मूल्य एकैदिन ३ हजार ४०० रुपैयाँले बढेपछि नयाँ गहना खरिद गर्ने उपभोक्ताको लागतसमेत बढ्ने भएको छ।
