एजेन्सी । रोजगारी तथा व्यापारका सिलसिलामा विश्वभर छरिएर रहेका नेपाली कोरोना संक्रमणमा परेका समाचार आइरहेका छन् । यही सिलसिलामा बहराइनमा थप २७ नेपालीमा कोरोना भाइरसको संक्रमण भएको छ । यससँगै बहराइनमा कोरोना संक्रमितको नेपालीको संख्या ४९ पुुगेको छ । त्यहाँ रहेको नेपाली दूतावासले थप २७ जनामा संक्रमण देखिएको पुष्टि गरेको छ ।
बहराइनमा अहिलेसम्म ९९० जनामा संक्रमण देखिएको छ । उनीहरु मध्ये ७ जनाको मृत्यु भएको छ । तीन जनाको अवस्था गम्भीर छ भने सात सय तीन जना निको भएका छन् ।