काठमाडौं । महानगरीय प्रहरी परिसर, काठमाडौंले आफ्नै निवर्तमान प्रमुख सवेन्द्र खनाल र सत्तारुढ नेपाल कम्युनिस्ट पार्टी (नेकपा) का सांसदद्वय महेश बस्नेत र किसान श्रेष्ठ विरुद्ध अपहरण तथा शरीर बन्धकको जाहेरी दर्ता गर्न अस्वीस्कार गरेको छ ।
उजुरी दिन हुलै बाँधेर पुगेका जसपाका शीर्ष नेताहरु पूर्वप्रधानमन्त्री डा. बाबुराम भट्टराई, उपेन्द्र यादव, राजेन्द्र महतो लगायतका नेताहरुसहित पूर्व स्वास्थ्यमन्त्री सुरेन्द्र यादव जाहेरी दर्ता गर्न टेकु पुगेका थिए । तर परिसर प्रमुख एसएसपी श्यामलाल ज्ञवालीले जाहेरी दर्ता गर्न अस्वीकार गरेका छन् । डीएसपी कृष्ण चन्दले यहाँ मुद्दा दर्ता गर्न मिल्दैन महोत्तरी जानोस् भन्ने जवाफ दिएका थिए ।