काठमाडौं । नेपालमा कोरोना संक्रमणले महामारीको रुप लिन थालिसकेको छ । संक्रमितको संख्या दिनदिनै बढिरहेको छ । शुक्रबार थप ९ जनामा कोरोना संक्रमण पुष्टि भएको छ। राष्ट्रिय जनस्वास्थ्य प्रयोगशाला, काठमाडौँ र भेरी अस्पताल नेपालगंजमा गरिएको परीक्षणमा उनीहरुको रिपोर्ट पोजेटिभ आएको हो। मकवानपुर निवासी ३७ वर्षिय पुरुष, बाँके, नैनापुर १, ३ र ५ निवासी १८, २०, २२, २५, २५, २७, ३२ र ३६ वर्षिय पुरुषहरुमा संक्रमण पुष्टि भएको हो। हालसम्म प्राप्त विवरण अनुसार उनीहरुको स्वास्थ्य अवस्था सामान्य रहेको र स्वास्थ्यकर्मीको सम्पर्कमा रहेको बताइएको छ। यससँगै कुल संक्रमितको संख्या २५८ पुगेको छ।