पोखरा । आफ्नो पुरानो छवि सुधार्ने प्रयास गरे पनि उनको व्यवहारले पुरानै शैली प्रदर्शन गरिरहेको छ । परिवारसँगको बेमेलले पोखरातिर एक्लै बरालिएका पूर्व युवराज पारस शाह लकडाउनका बीचमा रातको २ बजे के गर्दै हिँडिरहेका छन् ? पूर्व युवराज पारस चढेको गाडीले पोखरामा करिब साढे २ बजेको समयमा पोखरा पृथ्वीचोकमा एउटा गोरुलाई ठक्कर दिएर मारेको छ । पूर्वयुवराज शाह चढेको बा १४ च २१३१ नम्बरको गाडीले मध्यरातमा गोरुलाई ठक्कर दिएको हो । गाडीको ठक्करपछि घटनास्थलमै गोरु मरेको प्रहरीले बताएको छ । तर गाडी भने पारस आफैंले नचलाएको प्रहरीले बताएको छ । गाडीमा ३ जना सवार थिए । मध्यरातमा पूर्वयुवराज पारसको स्वास्थ्यमा समस्या देखिएपछि अस्पताल लैजाँदै गर्दा दुर्घटना भएको बताइएको छ । दुर्घटनापछि चालक अशोक गुरुङलाई प्रहरीले नियन्त्रणमा लिएको छ ।