काठमाडौं । यस वर्षको इपिएल २०२० को लागि टाइटल प्रायोजन टिभिएसले गर्ने भएको छ । यही १४ मार्च २०२० देखि २८ मार्च २०२० सम्म किर्तिपुर स्थित अन्तर्राष्ट्रिय क्रिकेट मैदानमा आयोजना इपिएल २०२० हुँदैछ । नेपालको लागि टिभीएस मोटर कम्पनीको एक मात्र आधिकारिक वितरक जगदम्बा मोटर्सद्वारा यस वर्षको इपिएल २०२० को लागि टाइटल प्रायोजन गर्ने भएको हो । अब इपिएल टिभीएस इपिएल २०२० भएको छ । इपिएल नेपालको फ्रेन्चाइज क्रिकेटहरुमध्ये सर्वाधिक लोकप्रिय प्रतियोगिता बन्न सफल भैसकेको छ ।
नेपालका क्रिकेट प्रेमीहरुले अत्यन्त उत्सकुताका साथ प्रतिक्षा गरिरहेको उक्त इपिएल २०२० को टाइटल प्रायोजन गर्ने सम्बन्धमा नेपालका आधिकारिक वितरक जगदम्बा मोटर्सको तर्फबाट साहिल अग्रवाल र इपिएलको तर्फबाट आमिर अख्तरले सम्झौता पत्रमा आज एक समारोहबीच हस्ताक्षर गरेका छन् । नेपालमा लोकप्रिय रहँदै आएको टिभीएस ब्राण्डले नेपालको विभिन्न खेलकुद क्षेत्रमा पनि आफ्नो सहभागीता जनाउँदै आएको छ । टिभीएसले निरन्तर रुपमा आफ्ना ग्राहकहरुलाई पैसाको उत्कृष्ट मुल्य र सेवाहरु जस्तैंः ५ वर्षको वारेन्टी, स्थलगत एक्स्चेञ्ज, स्थलगत फाइनान्स र अन्य धेरै सुविधा प्रदान गर्दै आएको छ ।