विराटनगर । टाटा मोटर्सका लागि नेपालको एक मात्र आधिकारिक विक्रेता सिप्रदी ट्रेडिङ्गले हरेक वर्ष गर्दै आएको कार मेला अन्तर्गत “टाटा मोर्टर्स कार्निभल” बिराटनगरस्थित टाटा शोरुममा गोयल अटोको सहकार्यमा आज शुक्रबारसम्म जारी छ । यस बर्षको “टाटा मोर्टर्स कार्निभल” कार मेला बिहान १०बजे देखि साँझ ६ बजेसम्म बिराटनगरस्थित टाटा शोरुममा हुँदैछ । यस मेलामा ग्राहकहरुले एकै स्थानबाट बिभिन्न गाडी किन—बेचको सुबिधा प्राप्त गर्न सक्नेछन् । मेलामा टाटा मोटर्स्का विभिन्न मोडलका गाडीहरु एकै स्थानबाट खरिदका साथै ग्राहकहरुले आफ्नो कुनै पनि पुरानो गाडी, नयाँ गाडीसँग साट्न सक्नेछन् । यस मेलामा फाइनान्सिङका साथै पुरानो गाडीको उत्कृष्ट मुल्याकंन र १ लाख बढीको एक्सचेन्ज बोनस जस्ता फाईदा ग्राहकहरुले पाउने आयोजकले जनाएको छ ।