काठमाडौं । नेशनल लाइफ इन्स्योरेन्स कम्पनीले दुई जना बीमितको निधनपछि दाबी भुक्तानी बापतको रकम हस्तान्तरण गरेको छ । कम्पनीको दिक्तेल शाखाले एकै दिन दुई परिवारलाई बैदेशिक रोजगार मृत्यु दावी भुक्तानी गरेको हो । कम्पनीले दुई जनाको मृत्यु दाबी बीमा बापत २७ लाख रुपैयाँ हस्तान्तरण गरेको हो ।
कम्पनीले खोटाङ जिल्ला दिप्रुङ चुइचुम्वा गाउँपालिका घर भई बैदेशिक रोजगारीको सिलसिलामा दुबई पुगेका दिनेश दर्जीको २०७८ जेठ २८ गते निधन भएको थियो । सोही परिवारलाई परिवारलाई १४ लाख रुपैयाँ हस्तान्तरण गरिएको हो । बीमा वापतको रकम बुवा रण बहादुर दर्जी तथा आमा हिरादेवी सुनामलाई शाखा प्रमुख नविन श्रेष्ठले १४ लाख रुपैयाँको चेक हस्तान्तरण गरेका हुन् ।
त्यस्तै, कम्पनीले खोटाङ जिल्लाकै साकेला गाउँपालिका–१, बाँझे च्यानडाँडा स्थायी घर भई बैदेशिक रोजगारीको सिलसिलामा दुबईबाट फर्र्केर नेपालमै काम गर्ने सिलसिलामा सुनसरीको बराह क्षेत्रमा सवारी र्दुघटनामा परी गत जेठ १७ गते निधन भएका विष्णु कुमार बस्नेतको परिवारलाई दाबी वापतको रकम दिएको हो । उनको बुबा तिखबहादुर बस्नेत र आमा कुमारी बस्नेतलाई म्यादी जीवन बीमा बापतको १३ लाख रुपैयाँको चेक शाखा प्रमुख नविन श्रेष्ठले हस्तान्तरण गरेका हुन् ।
