काठमाडौं । अग्रणी जीवन बीमा कम्पनी हिमालयन लाइफ इन्स्योरेन्स कम्पनीले मृत्यु दाबी भुक्तानी गरेको छ । कम्पनीले स्व बीमित नोर्बु लामा तामाङको परिवारलाई बीमा दाबी वापतको भुक्तानी दिएको हो । स्व. बीमितले कम्पनीमा ५० लाख रुपैयाँ बीमाङ्कको बीमा गराएका थिए । उनले ३ किस्ता वापत ५ लाख ८४ हजार २३७ रुपैयाँ तिरेका थिए । उनको मृत्यु भएपछि कम्पनीको नियम अनुसार स्व. बीमित लामाकी श्रीमति लक्ष्मी लामालाई कम्पनीले कुल ५४ लाख ५ हजार रुपैयाँ भुक्तानी दिएको हो । उक्त रकम बराबरको चेक स्व। बीमित लामाको हकवाला श्रीमति लक्ष्मीलाई बाग्मति प्रदेश उप प्रमुख दोर्जे लामाले हस्तान्तरण गरेका हुन् । मालयन लाइफको पाँचखाल शाखा प्रमुख बिशाल तिमल्सीनाले बीमा सबैको लागि अनिवार्य रहेको भन्दै बीमाले आपत विपद र दुःख परेको समयमा घाउमा मलम लगाउने काम गर्ने भएकाले सबैले बीमा गर्न आग्रह गरे । उनले यस कम्पनी सदैब बीमितको हितमा रहेको समेत बताए ।