चैत्र २२ गते रविसप्तमी । २६ गते पापमोचनीएकादशी ।
मेष : सोचेका योजनाहरु आंशिक रुपमा पुर्ण हुनेछन । प्रेमिकाको सहयोगले महत्वपुर्ण कार्य सम्पन्न गर्न सकिनेछ । वैदेशिक कार्यमा सफलता नै हात पर्नेछ । चिसो तथा रात्रिको मौसममा अवेर सम्मको कार्यले स्वास्थमा गडबडी देखा पर्न सक्छ । सुर्य देवको सेवाले प्रायः समस्या निराकरण हुनेछन ।
वृष : अध्यातमिक चिन्तन योग तथा ध्यानले दुर्भावनाहरु समाप्ती हुँदै भावि मार्ग पहिल्याउन सहज हुनेछ । असहज परिस्थितिलाई आत्मसाथ गर्दा आकस्मिक लाभ हुन सक्नेछ । विशेष भेटघाटको फाइदा उठाउदै प्रतिष्ठित काम प्रारम्भ गर्ने अवसर प्राप्त हुनेछ । साताको अन्तयमा पश्चिमतर्फको यात्रा लाभदायक देखिन्छ ।
मिथुन : सामाजिक क्षेत्रबाट मानसम्मान प्राप्त भई बाधाहरु स्वतः फुकुवा हुनेछन् । परिश्रम अनुरुप सोचेको फल पाइनेछ । खर्च बढनाले मंगलबारपछि आर्थिक अभाव अनुभुति हुनेछ । प्रतियोगितामा भाग लिँदा आफ्नो भुमिका अग्रणी हुनेछ । साताको अन्त्यमा नाम दाम र इनाम हात पर्न सक्नेछ ।
कर्कट : परिस्थिति अनुसार चल्न नसक्दाँ अवसर गुम्ने योग देखा पर्नसक्छ । सोमबारपछि स्थितिमा सुधार आउनुका साथै गुमेको स्थान प्राप्त हुन सक्छ । सरोकार नभएको बिषयमा चासो नराख्दा नै वेश होला । मनोरन्जन तथा जलक्रिडा गर्दा स्वास्थको ख्याल राख्नु पर्नेछ । घरायासी व्यवहाराका खिचलोमा टाडा रहदाँ नै उचित होला ।
सिंह : योग , ध्यान तथा भ्रमण गर्न सके तनावलाई कम गर्न सहयोग पुर्याउने छ । मित्रवर्गहरु ससाना त्रुटीहरुलाई औल्याँउदैमा टाढिन सक्ने सम्भावना छ । मनोरञ्जन तथा भोजभतेरमा विदेशी पहुनासगँ भेटघाट हुने सम्भावना छ । रात्रि सवारी साधन चलाउदाँ संयमित रहनुहोला ।
कन्या : प्रतिस्प्रर्धीहरुलाई उछिन्दै विशेष उपलब्धि हात पार्ने समय छ । अवरोध खडा गर्नेहरु सक्रिय रहे पनि हिम्मतका साथ काममा जुटनु होला । अभिभावकजनसगँ सामान्य खटपट हुनेछ भने आफ्ना कमजोरी प्रति गुनासो बढ्न सक्छ । सातको अन्त्यमा राम्रै आम्दानी हुने मौका जुर्नेछ ।
तुला : जीवनशौलीलाई परिर्वतन गर्न हितैषीको सुझावलाई अवलम्वन गर्दा हितकर हुन्छ । शुभचिन्तकहरुले विविध क्षेत्रमा सहकार्य गर्ने प्रस्ताव राख्नेछन् । अन्य मुलुकमा समेत लगानी गरी थप आम्दानीको मार्ग पहिल्याउन साथीहरुबिच मन मिल्नेछ । साताको अन्त्यमा मनपर्ने साथी भेटिनुका साथै प्रेमको बन्धन समेत कसिन सक्छ ।
वृश्चिक : आकस्मिक यात्रा गर्दा आर्थिक लाभ समेत प्राप्त हुने सम्भावना छ ।आफनो योजना परिणाममुखि बनाउन कठिन परिश्रम गर्नुपर्नेछ । राज्यस्तरबाट महत्वपूर्ण अवसर प्राप्त हुनेछ । सभासेमिनार जस्ता कार्यहरुमा समावेश हुने मौका प्राप्त हुनेछ । रातो रंगको प्रयोग गर्नाले उचित लाभ लिन सक्नु हुनेछ । सप्तान्तमा विदेशी पाउनाहरुसगँ समागम हुने अवसर जुटन सक्छ ।
धनु : मन मिल्ने साथीले बचन फेर्दा आफुलाई चोट पुग्न सक्छ । मझौला तथा साना दुवै खाले लगानीमा आर्थिक लाभ हुने नै छ । आफनो कमजोरीबाट फाइदा उठाउनेहरु सल्वलाउन सक्छन् , ध्यान दिनु होला । सम्पन्न हुन लागेको कार्यमा पारिवारिक खिचातानीले रोकावट आउन सक्छ ।
मकर : रोजगारीका नयाँ क्षेत्रहरु पहिचान गरी लाभ लिन सक्नुहुनेछ । मित्रको सहयोगबाट हौसला प्राप्त हुनेछ । सामाजीक क्षेत्रका लगानीले विदेश भ्रमणको अवसर मिल्नेछ । प्रलोभन देखाउनेबाट टाडा रहदै प्रतिष्ठा जोगाउनुहोला । साताको अन्त्यमा स्वास्थप्रति हेक्का राख्नुहोला ।
कुम्भ : असहज परिस्थतीबाट उम्कन सोचे भन्दा बढी खर्च गर्नुपर्नेछ । आफुसँग भएका क्षमता प्रर्दशन गरि सफलता प्र्राप्त गरिनेछ । उपल्लो दर्जाका विशेष व्यक्तिले दिएका सुझाबले अधुरा कार्य पूर्ण गर्न सहयोग पुग्ने छ । धार्मिक तथा परोपकार कार्यमा रुची बढ्ने छ ।
मीन : झन्झटिला कार्यहरुको बोझ आइलाग्दा सचेत भै कार्य सम्पन्न गर्नुपर्नेछ । मित्रको सल्लाहबाट विदेशमा अध्ययनको मौका जुर्न सक्छ बिलम्ब नगर्नु होला । परिस्थितिलाई वेवास्ता गर्नाले व्यवहारिक झमेला आइलाग्न सक्छ । कालो रंगको सवारी साधन नचलाउँदा नै उचित हुनेछ ।
